Kubadaky sil joşmalary netijesinde bir adam heläk boldy, 7 müňden gowrak adam ýaşaýan ýerinden göçürildi diýip, «Habar 24» ýazýar.
Yzyny kesmän ýagýan ýagyşlar netijesinde ýurduň gündogarynda güýçli sil döredi, birnäçe obalary suw basdy, ekin meýdanlary hatardan çykdy, elektrik togunyň üpjünçiliginde bökdençlikler döredi. 10 müň öýe zeper ýetdi.
Ýerli howa gullugy sil joşmalarynyň dowam etjekdigini habar berýär. Ejir çeken sebitlerde awtobus we demir ýol gatnawlary togtadyldy.
