Girmek
Amerikanyň Birleşen Ştatlarynyň Florida ştatynyň gubernatory Ron Desantis geljek hepdede 2024-nji ýylda geçjek Prezident saýlawlaryna kandidaturasyny hödürlär. Bu barada «The Wall Street Journalсо» gazetine salgylanýan TASS habar berdi diýip, «Trend» ýazýar.
Habara görä, Respublikaçylar partiýasyndan bolan 44 ýaşly Desantis saýlawlarda ýurduň öňki Prezidenti Donald Trampyň esasy dalaşgäri bolar.
NBC teleýaýlymynyň geçiren pikirsoraşmasyna görä, öňde boljak saýlawlarda Respublikaçylardan bolan saýlawçylaryň 31 göterimi Desantisi, 46 göterimi bolsa Trampyň goldar.
ABŞ-da Prezident saýlawlary 2024-nji ýylyň noýabrynda geçer. 2022-nji ýylyň noýabrynda Tramp bu wezipä dalaşgärlik etjekdigini yglan etdi.