15-nji maýda Türkmenistanyň Daşary işler ministrliginiň Halkara gatnaşyklary institutynda ýurduň ýokary synp mekdep okuwçylarynyň arasynda geçirilýän «Parahatçylygyň ýaş çaparlary» akyl-paýhas bäsleşiginiň final oýny geçiriler.
«Türkmenistan: Altyn asyr» internet neşiriniň habar bermegine görä, aýgytlaýjy oýnuň sowallary «Parahatlyk daragty — nesiller dowamaty» atly tema boýunça taýýarlanylar.
Final oýnuna Aşgabat şäherinden, Daşoguz we Mary welaýatlaryndan bolan, saýlama oýunlardan üstünlikli geçen okuwçylar gatnaşarlar.
«Parahatçylygyň ýaş çaparlary» akyl-paýhas bäsleşigine Türkmenistanyň Magtymguly adyndaky Ýaşlar guramasynyň Merkezi geňeşi, Türkmenistanyň Milli ýaý atyjylyk federasiýasy, «Türkmenhaly» döwlet birleşigi, «Abadan haly» AGPJ, «Aýdyň gijeler» hojalyk jemgyýeti, «Muhammet Balkan» hojalyk jemgyýeti hem-de «Ýedi Dogan» hususy kärhanasy hemaýatkärlik edýärler.
