Girmek
Aşgabat şäherinde ýerleşýän «Ýyldyz» myhmanhanasynda Türkmenistanyň söwda-maglumatlar portalynyň işe girizilmegi mynasybetli metbugat maslahaty geçiriler.
3-nji aprelde geçirilmegi meýilleşdirilýän maslahat Ýewropa Bileleşiginiň Türkmenistandaky wekilhanasy we Halkara söwda merkezi tarapyndan guralýar. Maslahatda Türkmenistanyň söwda we daşary ykdysady aragatnaşyklar ministriniň orunbasary K.Gurbanowyň, Ýewropa Bileleşiginiň Türkmenistandaky wekilhanasynyň başlygy Diego Luiz Alonsonyň hem çykyş etmegine garaşylýar.
Söwda-maglumatlar portaly Ýewropa Bileleşiginiň maliýeleşdirmeginde we Halkara söwda merkeziniň ýardam bermeginde Türkmenistanyň Söwda we daşary ykdysady aragatnaşyklar ministrligi tarapyndan işlenip düzüldi.