Girmek
Stiwen Sommersiň «Mumiýa» atly meşhur filmler tapgyrynda baş keşbi janlandyran aktýor Brendan Freýzer ABŞ-nyň Kinoaktýorlar gildiýasynyň (SAG) iň oňat erkek keşbi üçin baýragyna mynasyp boldy. Bu barada guramanyň saýtynda habar berilýär diýip, «MIR 24» ýazýar.
Aktýor bu baýraga Darren Aronofskiniň «Kit» («Läheň») filminde janlandyran baş keşbi üçin mynasyp görüldi. Filmde Freýzer 300 kilogram agramly edebiýat professorynyň keşbini döretdi. Ol ötüşen ýüregagyry keselinden ejir çekýär, emma hassahana gitmekden ýüz dönderýär, professor bütin ömründe süýşüren ähli emlägini ýeke gyzyna miras galdyrmakçy. Ol gyzy bilen gatnaşyklaryny dikeltmek isleýär, emma bu aňsat düşmeýär. Her niçik bolsa-da, gyzy ahyrsoňy ony bagyşlaýar. Aktýor bu keşbi üçin diňe semremän, eýsem, surata alynýarka ýörite geýim hem geýmeli boldy.
Täze filmiň ilkinji görkezilişi 2022-nji ýylyň güýzünde Wenesiýadaky halkara kinofestiwalda boldy, Freýzer bu keşp üçin şeýle-de «Altyn globus» we «Oskar» baýraklaryna hödürlendi.