Beýik Britaniýanyň Patyşasy Karl III raýatlaryndan gelýän hatlara jogap ýazmakda kömek etjek işgär gözleýär diýip, «Daily Mail» habar berdi.
Köşgüň bildirişinde täze işgäriň Bukingem köşgünde işläp, ýylda 23 müň funt-sterling aýlyk aljakdygy aýdylýar. Esasy talap işi hemişe kemsiz-köstsüz ýerine ýetirmekdir.
«Siziň esasy wezipäňiz ilat tarapyndan durmuş, jemgyýetçilik we milli meseleler boýunça iberilen hatlara jogap bermekdir» diýlip, bildirişde nygtalýar. Bu barada «Gazeta.ru» ýazýar.