Girmek
AFK-nyň Ýerine Ýetiriji komitetiniň Bäsleşikler komitetiniň mejlisi geçiriler.
Onda Aziýa klublarynyň arasyndaky 2024/25-nji ýylky futbol möwsüminde geçiriljek ýaryşlar üçin ýurtlara beriljek ýollanmalaryň sany kesgitleniler. Özbegistanly futbol hünärmeni Alişer Nikimbaýewiň habar bermegine görä, Merkezi Aziýa ýurtlarynyň klublaryna aşakdaky görnüşde ýollanmalaryň berilmegine garaşylýar:
Türkmenistana AFK Kubogynyň pleý-off tapgyryna 1 ýollanma hem-de üçünji derejeli ýaryşa (heniz ady mälim edilmedi) 1 ýollanma;
Özbegistana AFK Çempionlar ligasynyň toparçalaýyn tapgyryna 1 ýollanma hem-de AFK Kubogynyň toparçalaýyn tapgyryna 1 ýollanma;
Täjigistana AFK Kubogynyň toparçalaýyn tapgyryna 1 ýollanma hem-de AFK Kubogynyň pleý-off tapgyryna 1 ýollanma;
Gyrgyzystana üçünji derejeli ýaryşyň pleý-off tapgyryna 1 ýollanma.