Şu gün — 26-njy dekabrda Angliýanyň premýer-ligasynyň oýunlary dowam etdiriler. Has takygy, şu gün ýaryşyň 17-nji tapgyry başlanar. Bilşimiz ýaly, Angliýanyň premýer-ligasy Katarda geçirilen futbol boýunça dünýä çempionaty sebäpli arakesmä çykypdy. Ýeri gelende bellesek, häzirki wagtda ýaryşyň turnir tablisasynda 14 oýunda toplanan 37 utuk bilen «Arsenal» liderlik edýär. Kerwenbaşydan 5 utuk yzda barýan «Mançester Siti» ikinji ýerde barýan bolsa, güýçli üçlügi 15 oýunda 30 utuk gazanan «Nýukasl» jemleýär.
17-nji tapgyryň oýunlary
26-njy dekabr:
- 17:30. «Brentford» — «Tottenhem»;
- 20:00. «Krystal Pelas» — «Fulhem»;
- 20:00. «Ewerton» — «Wulwerhempton»;
- 20:00. «Lester» — «Nýukasl»;
- 20:00. «Sauntgempton» — «Braýton»;
- 22:30. «Aston Willa» — «Liwerpul».
27-nji dekabr:
- 01:00. «Arsenal» — «West Hem»;
- 22:30. «Çelsi» — «Bornmut».
28-nji dekabr:
- 01:00. «Mançester Ýunaýted» — «Nottingem Forest».
29-njy dekabr:
- 01:00. «Lids» — «Mançester Siti».
