Girmek
Pep Guardiola topary bilen täze şertnama baglaşar we «Mançester Sitidäki» işini dowam etdirer.
«The Athletic»-iň habaryna görä, tälimçi we klub 2025-nji ýyla çenli dowam etjek täze şertnama barada ylalaşdylar. Şeýlelikde, taraplaryň arasynda «1+1» görnüşindäki täze şertnama gol çekiler. Bu, taraplaryň özara ylalaşyk esasynda hyzmatdaşlygy möhletinden öň bes edip biljekdigini aňladýar.
Guardiolanyň «Mançester Siti» bilen häzirki şertnamasy öňümizdäki tomusda gutarýar.
Pep «Mançester Sitä» 2016-njy ýylda geldi. Onuň ýolbaşçylygynda klub Premýer-ligada we Iňlis ligasynyň kubogynda dört gezek ýeňiş gazandy, şeýle hem topar Angliýanyň Kubogyny aldy.
2020/21-nji möwsümde «Mançester Siti» Çempionlar ligasynyň finalyna çykdy we «Çelsiden» 0:1 hasabynda utuldy.