Girmek
Braziliýaly hem-de amerikaly alymlar topary barlag geçirdiler we peleň-akulalaryň adamlar bilen ýygjam gatnaşyk sebäpli has howply bolýandyklary, göwreleriniň hem ulalýandygy barada netijä geldiler. Bu hakynda «Naked Science» neşirine salgylanýan «MIR 24» ýazýar.
Hünärmenler Bagam adalaryndaky jahankeşdeleriň arasynda meşhur bolan suwa düşülýän ýerdäki balyklara gözegçilik etdiler. Karib deňziniň suwy ol ýerde saý hem-de arassa bolansoň, kenara golaý suwda akulalaryň limon, bagam, gaýa we öküz görnüşlerine sataşmak bolýar. Bu ýerdäki akulalaryň beýlekilere garanda göwresiniň uludygy ýüze çykaryldy, şeýle hem olar özlerini has gaharjaň alyp barýarlar.
Alymlaryň aýtmagyna görä, köpçülikleýin jahankeşdelik akulalaryň saglygyna oňaýly täsir edýär, şol bir wagtda olar öz aralarynda iýmit üçin göreşip has-da howply bolýarlar.