Gonkongyň iň belli garbanyşhanasy — «Jumbo Kingdom» atly ýüzýän köşk Günorta-Hytaý deňzinde suwa gark boldy. Bu barada TASS ýurduň RTHK radioýaýlymyna esaslanyp habar berdi.
Jahankeşdeleriň arasynda meşhur bolan garbanyşhana pandemiýa döwründe ýapylypdy. Ony Günorta-Aziýa şäherleriniň birine äkitmekçi boldular, 14-nji iýunda «Jumbo» Aberdin balykçylyk deňiz menzilini terk etdi, ol bu ýerde 46 ýyllap labyrda durdy.
Emma geçen ýekşenbede howanyň ýaramazlaşmagy bilen bagly ýüzýän restoran 1 müň metr çuňlyga gark boldy. Hadysada ejir çeken ýok.
«Jumbo Kingdom» Gonkongyň esasy gözellikleriniň biridi, ol haşamlanan äpet köşgi ýatladýardy, hytaý äheňlerinde bezelendi, bir wagtda 2,3 müň myhman kabul edip bilýärdi.
