UEFA Ýewrokuboklaryň ýakyn günlerde geçiriljek final duşuşyklarynyň eminlerini kesgitledi.
Fransiýaly hünärmen Kleman Týurpen Çempionlar ligasynyň finalyndaky «Real» ― «Liwerpul» duşuşygynyň baş emini bolar. Duşuşyk 28-nji maýda Pariž şäherinde geçiriler.
Bu jogapkärli duşuşykda oňa watandaşlary Nikolýa Dano bilen Siril Gringor ýardam berer. Duşuşygyň VAR emini fransiýaly hünärmen Žerom Nrizar bolar.
«Aýtraht» bilen «Reýnjersiň» arasynda geçiriljek Ýewropa ligasynyň finalyny sloweniýaly emin Slawko Winçiç alyp barar. Bu duşuşyk 18-nji maý güni geçiriler.
Konferensiýalar ligasynyň 25-nji maýda geçiriljek final duşuşygynda bolsa meýdanda rumyniýaly emin Iştwan Kowaç işlär. Final duşuşygy «Feýenoord» bilen «Romanyň» arasynda Tiran şäherinde geçiriler.
