“American Dream” atly aňrybaş limuziniň abatlaýyş işleri tamamlandy, netijede dünýäde iň uzyn awtoulag ýene uzaldy we 1986-nji ýyldaky öz rekordyny täzeledi diýlip, Ginnesiň rekordlar kitabynyň saýtynda aýdylýar.
Durky täzelenen awtoulagyň uzynlygy 30,54 metre ýetýär, ol öň 18,28 metrdi. Limuzin hereketde we ol ýolagçy gatnatmaga taýýar.
Oňa 75 adam ýerleşip bilýär, olar üçin awtoulagyň içinde birnäçe telewizor, sowadyjy, telefon, howuz, jakuzi, wanna, kiçi-golf üçin meýdança (şol bir wagtda dikuçar gonmak üçin ýer) döredilipdir.
Bu limuzin “Cadillac Eldorado” ulaglarynyň ikisiniň ornunda döredilip, iki hereketlendirijilidir. Täze eýesi ony häzirki görnüşe getirmek üçin köp pul we wagt sarp edipdir.
Bu barada MIR24 ýazýar.
