Soňky habarlar

Arhiw

«Tobol» Gazagystanyň Naýbaşy kubogy ugrundaky duşuşykda «Kaýraty» ýeňdi

23:0002.03.2022
0
2758
«Tobol» Gazagystanyň Naýbaşy kubogy ugrundaky duşuşykda «Kaýraty» ýeňdi

Türkmenistanly tälimçi Gurban Berdiýew Gazagystanyň «Kaýratynyň» başynda täze möwsüme ýurduň Naýbaşy kubogy ugrundaky duşuşyk bilen başlady. Duşuşyk düýn Nur-Sultan şäherindäki «Astana» stadionynda geçirildi.

«Kaýratyň» Naýbaşy kubok ugrundaky duşuşykda garşydaşy «Tobol» futbol topary boldy. Ilkinji minutlardan dartgynly başlan duşuşyk «Tobolyň» 2:1 hasabyndaky ýeňşi bilen tamamlandy. Ýeňiji toparyň pökgülerini 30-njy minutda 11 metrlik jerime urgusyndan Serikžan Mužikow bilen 89-njy minutda Aýbar Žaksylykow geçirdi. «Kaýratyň» ýeke-täk pökgüsini bolsa 40-njy minutda Žuan Paulo Silwa öz adyna ýazdyrdy.

Şeýlelikde, «Kaýrat» heniz möwsümiň başynda kubok gazanmak mümkinçiligini ýitirdi. Möwsümde ýurduň çempionlygyny maksat edinýän «Kaýrat» çempionatdaky duşuşyklaryna hem sanlyja günden girişer.

Teswirler
Teswir ýazmak üçin içeri giriň ýa-da registrasiýa boluň