Şenbe güni Ýaponiýada 7,3 bal ululykda güýçli ýer titremesi boldy. Ýer titremesiniň merkezi ýurduň demirgazyk-gündogarynda boldy. «Komersantyň» habaryna görä, Tokionyň ýaşaýjylary hem ýer titremesini duýdular, Kanto we Tohokuda takmynan 1 million maşgala elektriksiz galdy.
Milli meteorologiýa merkezi ýurtda sunami howpuny yglan etdi we ýaşaýjylary kenar ýakasyndan uzak durmaga çagyrdy.
Seýsmologlar bu ýer titremesiniň 2011-nji ýylyň aprelinden bäri iň güýçli ýer titremesi bolandygyny aýdýarlar. Şonda 9 bal ululykda ýurduň taryhyndaky iň güýçli ýer titremesi bolupdy.