Türkmenistanyň Senagat we kommunikasiýa ministrliginiň "Türkmenaragatnaşyk" agentliginiň “Altyn Asyr” topary Ýurdumyzyň Naýbaşy Kubogy ugrundaky duşuşykda ýeňiş gazandy - diýip, TFF-niň resmi saýty habar berýär.
Ýurdumyzyň çempiony bu abraýa şu gün “Köpetdag” stadionynda geçirilen duşuşykda ýurdumyzyň Kubogynyň eýedi “Köpetdag” toparyndan üstün çykyp gazandy. Paýtagtymyzyň toparyna ýeňiş getiren toplary Myrat Annaýew bilen Altymyrat Annadurdyýew öz atlaryna ýazdyrdylar.
Baýrak gowşurylyş dabarasynda ýeňiş gazanan topara baýragy Türkmenistanyň Futbol federasiýasynyň Baş sekretary Arslan Aýnazarow gowşurdy.
Türkmenistanyň Futbol Federasiýasy tarapyndan ýurdumyzyň çempionydyr Kubogyny eýelän toparlaryň arasynda guralýan Naýbaşy Kubogy ugrundaky duşuşygyň 2005-nji ýyldan bäri geçirilip gelinýändigini ýatladýarys.
Naýbaşy Kubogy ugrundaky duşuşygyň netijesi:
"Altyn Asyr" – "Köpetdag" – 2:0
Gollar: Myrat Annaýew, 57 (1:0). Altymyrat Annadurdyýew, 64 (2:0).
Duýduryşlar: Myrat Annaýew 58, Selim Nurmyradow 76 («Altyn Asyr»).
Geçirilen ýeri: Aşgabat. "Köpetdag" stadiony.
Duşuşygyň emini: Begenç Allaberdiýew (Aşgabat ş.).
Kömekçileri: Ahmet Begnazarow (Mary ş.), Nariman Garajaýew (Aşgabat ş.).
Ätiýaçdaky emin: Resul Mämmedow (Aşgabat ş.).
Gözegçi emin: Hudaýnazar Rejepow (Aşgabat ş.).
Tomaşaçy sany: 500
