Türkmenistanyň Awtomobil mekdepleriniň birleşiginiň wekili mekdebe çenli çagalary ýol hereketiniň howpsuzlyk düzgünleri bilen tanyşdyrmakda nämeden başlamalydygyny düşündirdi.

- Çaga 4 ýaşyndaka ýollarda howpsuz özüňi alyp barmagyň esaslary bilen tanyşdyrmaga başlap bilersiňiz - diýip, hünärmen belleýär. - Ilki bilen, oňa ýolyşygyň (swetofor) nämedigini we reňkleriniň manysyny, ýolda näme üçin «zebra» gerekdigini aýtmaly. Ene-ata çaga bilen ýoldan geçip, ýolugra özüňi alyp barmagyň kadalaryny düşündirende, maglumatlar has gowy özleşdiriler.

Şeýle hem näme üçin awtomobilleriň hereket edýän zolagynda samokat ýa-da welosiped sürmeli däldigini ýa-da ýoluň golaýynda oýnamaly däldigini, hatda topuň gaçsa-da, ýola garşy ylgamaly däldigini düşündirmek möhümdir.

Çagany ýol hereketiniň düzgünleri bilen tanyşdyrmak boýunça has giňişleýin maglumatlary şu mowzukda ýazylan makalada tanşyp bilersiňiz.

Awtomobil mekdepleriniň birleşiginiň habarlaşmak üçin maglumatlary:

• telefonlar: +993 (12) 44 33 19, +993 (12) 44 33 20;
• elektron poçta: info@awtomekdep.edu.tm

Şeýle-de okaň:

• Çaga ýol hereketiniň kadalaryny düşündirmegiň aňsat usullary
• Türkmenistanyň Awtomobil mekdepleriniň birleşigi 2023-nji ýylyň birinji çärýeginde tälim alanlaryň sany barada maglumat berdi