Girmek
«Türkmendemirýollary» agentligi demir ýol gatnawlarynyň tertibini täzeledi. Oňa laýyklykda, 1-nji iýuldan başlap, aşakdaky ugurlar boýunça ýolagçy otlularynyň gündelik gatnawlary ýola goýuldy:
- Aşgabat — Türkmenbaşy;
- Aşgabat — Daşoguz;
- Aşgabat — Türkmenabat;
- Aşgabat — Mary;
- Aşgabat — Amyderýa.
Aşgabat şäherine gelmek üçin welaýatlaryň ýaşaýjylary, şeýle hem Türkmenbaşy şäherine ugraýan ähli raýatlar ýola çykmazdan 72 sagat öň COVID-19 ýokanjy boýunça alynýan PCR synagyndan geçmeli we onuň netijesini ýanlaryna almaly.
«Awaza» milli syýahatçylyk zolagyna baryp görmek üçin resminamalaryň sanawy bolsa öňküligine galýar.
Ýolagçylar ýol peteklerini 5 gün öňünden onlaýn görnüşde, şeýle-de 1 gün öňünden ýa-da otlularyň gidýän güni degişli kassalardan satyn alyp bilerler.
Gatnawlar bilen bagly giňişleýin maglumaty Agentligiň resmi web sahypasyndan tapyp bilersiňiz.
Mundan ozal, Türkmenistanyň çäginde otly gatnawlarynyň bölekleýin gaýtadan dikeldilendigini habar beripdik.