Bu barada şu gün Türkmenistanyň Prezidentiniň gol çeken resminamasynda bellenildi. «Watan» habarlar gepleşiginde habar berlişi ýaly, Aksoltan Töräýewna Ataýewa başga işe geçmegi sebäpli, Türkmenistanyň BMG-niň ýanyndaky (Nýu-Ýork şäheri, Amerikanyň Birleşen Ştatlary) hemişelik wekili, Türkmenistanyň Kuba Respublikasyndaky, Braziliýa Federatiw Respublikasyndaky, Wenesuela Boliwarian Respublikasyndaky Adatdan daşary we Doly ygtyýarly ilçisi wezipelerinden boşadyldy. Türkmenistanyň BMG-niň ýanyndaky hemişelik wekili wezipesine Wepa Segsengeldiýewiç Hajyýew bellenilip, ol Türkmenistanyň Şweýsariýa Konfederasiýasyndaky (Ženewa şäheri) Adatdan daşary we Doly ygtyýarly ilçisi, BMG-niň Ženewadaky edarasynyň ýanyndaky (Şweýsariýa Konfederasiýasy, Ženewa şäheri) hemişelik wekili, Türkmenistanyň Watikandaky Adatdan daşary we Doly ygtyýarly ilçisi wezipelerinden boşadyldy.