Samsung Electronics kompaniýasy 25-nji fewralda San-Fransiskoda Galaxy Unpacked çäresini geçirer. Bu çärede kompaniýa Galaxy S tapgyrynyň täze smartfon hatary bilen tanyşdyrar. Enjamlar öndürijiniň beýan etmegine görä, şahsylaşdyrylan we uýgunlaşýan integrirlenen emeli aň — Galaxy AI (emeli aň) bilen üpjün ediler.

Çäräniň göni ýaýlymy Ýuwaş umman wagty bilen sagat 10:00-da (Aşgabat wagty bilen 21:00-da) Samsung.com resmi saýtynda, Samsung Newsroom sahypasynda hem-de kompaniýanyň YouTube kanalynda başlanar.

Günorta Koreýanyň tehnologiýa ägirdi öňde boljak bu tanyşdyrylyşy emeli aňly ykjam tehnologiýalaryň ösüşinde täze tapgyr hökmünde görkezýär. Täze Galaxy S modelleri EA-funksiyalaryň bökdençsiz integrasiýasy arkaly ulanyjylaryň smartfon bilen gündelik aragatnaşygyny has aňsatlaşdyrmalydyr.