Ýaglama mätäçlik çekmeýän, aşak düşende elektrik energiýasyny ulgama gaýtaryp berýän we eliň hereket etmegi bilen açylýan lifti göz öňüne getiriň. Günorta Koreýanyň SIGMA Elevator kompaniýasy täzelenen ACRA 2.0 we SOLON 2.0 modellerini hödürläp, bu pikiri hakykata öwürdi.

Täze liftleriň esasy tapawudy — dişli mehanizmleri bolmadyk ýörite hereketlendirijisidir. Ol adaty hereketlendirijilerden has sessiz işleýär, hemişelik ýag bilen ýaglamagy talap etmeýär we hyzmat ediş möhleti bir ýarym esse uzak bolýar. Kabina aşak düşende ulgam energiýanyň bir bölegini bina gaýtaryp berýär — bu, togtama wagtynda energiýany dikeldýän elektrik awtoulaglaryň işleýşine meňzeşdir.

Öndüriji iki görnüşi hödürleýär. ACRA 2.0 modeli 36 gatly binalar üçin niýetlenip, 1600 kilograma çenli ýük göterýär. SOLON 2.0 modeli bolsa 31 gata çenli binalar üçin niýetlenen ykjam model bolup, onuň üçin üçekde aýratyn maşyn otagy talap edilmeýär. Iki model hem düwmelere degmezden, eliň hereket etmegi arkaly çagyrylyp bilinýär — bu eller goşdan doly bolanda ýa-da artykmaç galtaşmalardan gaça durmak islenende örän amatlydyr.

Kabinanyň içinde howa ýörite ionizirleme ulgamy arkaly yzygiderli täzelenýär we arassalanýar, bu ulgam tozany we bakteriýalary zyýansyzlandyrýar. Gapylary güýçli urgulara çydamly bolup, azyndan üç million gezek açylyp-ýapylmaga niýetlenendir — bu takmynan 20 ýyllyk işjeň ulanyşa barabardyr.

Satyn alyjylar LED yşyklandyryşly potoloklaryň 10 görnüşinden, tutawaçlaryň 9 görnüşinden we pollaryň dürli bezeg görnüşlerinden saýlap bilerler. Hatda ýokary derejeli desgalar üçin altyn çaýylan bezeg elementleri hem bar.

Täze modeller bilen üpjün etmeklik 2024-nji ýylda başlanyp, häzirki wagtda-da dowam edýär. Türkmenistanda bu liftleri resmi taýdan satýan we gurnaýan kompaniýa göteriji enjamlara ýöriteleşen «Gurat Hil» kompaniýasydyr. «Gurat Hil» müşderilere öňdebaryjy tehnologiýalar bilen üpjün edilen ýokary hilli önümleri, ähli enjamlara 5 ýyllyk kepillik bilen hödürleýär.