ABŞ-nyň gündogar kenarýakalaryna gelen adatdan daşary aýazly howa ýaşaýjylaryň tas 80 millionyna täsir etdi diýip, «АВС» teleýaýlymyna salgylanýan TASS habar berdi.

Birleşen Ştatlaryň Milli howa gullugynyň maglumatlaryna laýyklykda, güýçli aýazlar Täze Angliýa sebitini, Nýu-Ýork, Nýu-Jersi we Pensilwaniýa ştatlaryny gurşap aldy. Bu ýerlerde käbir halatda termometriň sütünjigi – 36 gradusa düşüp biler. Nýu-Ýork ştatynda soňky 20 ýylda – 27 gradusa çenli güýçli aýazlara garaşylýar.

Miçigan, Minnesota we Ogaýo ştatlarynda hem howa sowady. Bu ýerlerde dowamly gar hem ýagýar.