Bolt diýen adam sypatly hytaý gumanoidi synag şertlerinde ylgaw ýodasynda tizligini sekuntda 10 metre ýetirip, dünýä rekordyny goýdy. Bu barada Hytaýyň Çženzýan uniwersitetiniň Hançžou halkara innowasiýalar ylmy-tehniki merkeziniň habaryna salgylanýan TASS ýazýar.

Robota Bolt ady 2009-njy ýylda 100 metr aralykda 9,58 sekunt tizlik görkezip, dünýä rekordyny goýan ýamaýkaly türgen Useýn Boltuň hormatyna dakyldy. Bat alýan wagty android gorag demir urganlary arkaly ýörite gurnama berkidildi.

Adampisint roboty döretmäge Şanhaýyň «MirrorMe Technology» we Çženýanyň «Kaierda Robot» robot tehnikasy kompaniýalary gatnaşdylar.