Girmek
Ozal habar berşimiz ýaly, Azerbaýjan Respublikasynyň Aşgabatdaky ilçihanasynda «Azerbaijan Airlines» kompaniýasynyň ýolagçy uçarynyň pajygaly heläkçiligi bilen baglanyşykly hatyra kitaby açyldy. Azerbaýjanda yglan edilen matam güni bilen baglanyşykly Türkmenistanyň daşary işler ministriniň orunbasary Serdar Muhammetdurdyýew Azerbaýjanyň Türkmenistandaky ilçihanasyna baryp, hatyra kitabyna ýazgy ýazdy. Bu barada «Trend.az» habar berýär.
Türkmenistanyň daşary işler ministriniň orunbasary türkmen tarapynyň adyndan Azerbaýjan Respublikasynyň Türkmenistandaky ilçisi Gismet Gezalowa Baku —Groznyý uçar gatnawyny amala aşyrýan «Azerbaijan Airlines» kompaniýasynyň ýolagçy uçarynyň heläkçiligi bilen baglanyşykly tüýs ýürekden gynanç bildirdi.