ABŞ-da haýwanlaryň 40 göterimine we ösümlikleriň üçden birine ýitip ýok bolmak howpy abanýar, bu barada «Nature Serve» ylmy-barlag toparynyň maglumatlaryna salgylanýan «Habar 24» ýazýar.

Mundan başga-da ekoulgamlaryň 40 göteriminden gowragyna doly heläkçilik howp salýar. Olaryň hatarynda leňňeçler, kaktuslaryň käbir görnüşleri, hatda süýji suwda ýaşaýan midiýalar hem bar. Midiýalaryň ýitip ýok bolmagy has-da howpludyr, sebäbi olar suwy süzüp, derýalaryň arassalygyny üpjün edýärler. Alymlaryň aýtmagyna görä, haýwanat we ösümlik gorlarynyň ýok bolmagyndan Kaliforniýa, Tehas we ýurduň günorta-gündogary has ejir çekip biler.

Bu ylmy-barlaglar bilen ABŞ-dan we Kanadadan bolan hünärmenleriň bir müňe golaýy meşgullandy.

Şeýle-de okaň:

• Biologlar dodo guşlaryny ýaşaýşa gaýtaryp getirmäge girişdiler
• Gazagystanda ýitmek howpy abanan saýgaklaryň sany dikeldildi