1. 2023-nji ýylyň 4-nji fewralyndan başlap, Kerki bilen Daşoguzyň arasynda göni howa gatnawy gaýtadan dikeldiler. 2022-nji ýylyň 1-nji fewralyndan başlap, gyşky uçuş tertipnamasynyň ahyryna çenli şenbe günlerinde T5343/T5344 gatnawlary goşuldy. «Boeing 737-800» uçary Kerkiden Daşoguza sagat 11:50-de ugrar. Uçuş 1 sagat 10 minut dowam eder. Uçar yzyna Kerkä sagat 14:00-da dolanyp geler.

2. Ýumşak güýzlük bugdaýyň täze «Bereketli» we «Döwrebap» görnüşleri 2020-2022-nji ýyllarda geçirilen sort-synag bäsleşiginden üstünlikli geçip, ýokary tohum aýratynlyklaryny görkezdi. Häzirki wagtda bu görnüşler döwlet synaglaryny geçirmek üçin Türkmenistanyň Oba hojalygy we daşky gurşawy goramak ministrliginiň Tohumçylyk we sort-synag döwlet gullugyna geçirildi. Iki görnüş hem Daşoguzdaky Türkmen oba hojalyk institutynyň Oba hojalyk ylmy-önümçilik merkeziniň binýadynda indiwidual seçgi usuly bilen döredildi.

3. Türkmenistan 2022-nji ýylyň maý aýynda «Neýtralnyý Türkmenistan» gazetiniň redaksion topary tarapyndan yglan edilen «Berkarar döwletiň täze eýýamynyň Galkynyşy» atly çeper döredijilik bäsleşiginiň netijeleri jemledi. Ýakynda Aşgabatda bäsleşigiň ýeňijileri bilen duşuşyk geçirildi we olara diplom we gymmatly sowgatlar gowşuryldy. Döredijilik çäresine hemaýatkär hökmünde Türkmenistanyň Magtymguly adyndaky Ýaşlar guramasy çykyş etdi.

4. «Bereketli Garagum» döwlet tebigy goraghanasynyň binýadynda Kopetdagyň eteginde we Garagum bilen serhetleşýän oazislerde, şol sanda şor topraklarda miweli agaçlary oturtmagyň we olara ideg etmegiň usullary boýunça tegelek stol geçirildi. Çärä goraghanalaryň ylmy işgärleri, ekologlar, tokaýçylar we ýurduň welaýatlaryndan bagbanlar, Türkmenistanyň Senagatçylar we telekeçiler birleşmesiniň wekilleri gatnaşdy.

5. Daşoguzyň taryhy-ülkäni öwreniş muzeýiniň wagtlaýyn sergiler zalynda Türkmenistanyň Suratkeşler birleşiginiň welaýat bölümi bilen bilelikde guralan ýaş suratkeşleriň we heýkeltaraşlaryň sergisi açyldy. Sergi 2023-nji ýylyň «Arkadag Serdarly bagtyýar ýaşlar» ýyly diýlip yglan edilmegine bagyşlandy. Sergide ýerleşdirilen işler ene topraga we tebigat gözelliklerine, milli ruhy gymmatlykara söýgini şöhlelendirýär.

6. «Airbus» «Türkmen howa ýollary» üçin «A330» uçaryny ýolagçydan ýük uçaryna öwürdi. Ýatlatsak, 2021-nji ýylyň ýanwar aýynda Fransiýanyň «Airbus S.A.S» kompaniýasy bilen «Türkmenhowaýollary» agentliginiň arasynda ozal ulanyşda bolan P2F modifikasiýaly «A330-200» kysymly iki sany ýük uçaryny satyn almak boýunça şertnama gol çekilipdi. Hasaba alyş belgisi EZ-F429 bolan ilkinji uçaryň 2023-nji ýylyň mart aýynda türkmen awiakompaniýasyna gowşurylmagyna garaşylýar. «A330-200P2F» uçarlary «Türkmenistan» awiakompaniýasyna halkara ýük ugurlary ulgamyny işjeň ösdürmäge we giňeltmäge mümkinçilik berer.

Dünýäde

7. Günorta Sudanyň Umumy bilim we okuw ministrligi Hytaýyň hökümetinden 330 sany çap edilen başlangyç mekdep üçin okuw kitaplaryny aldy. Kömek bilim ulgamynda hyzmatdaşlyk taslamasynyň çäginde iberildi. Kitaplar iňlis dilini, matematikany we tebigaty öwrenişi öwrenmek üçin niýetlenendir.

8. Britaniýaly Prit Çandi birbada iki sany dünýä rekordyny goýdy: lyžada bir polýar ekspedisiýanyň dowamlylygy boýunça, şeýle hem Günorta polýusyny lyžada iki gezek geçen dünýädäki ýeke-täk zenan hökmünde. 33 ýaşly Prit Çandi britan goşunynyň kapitanydyr. Ýeke özi 70 gün we 16 sagadyň dowamynda lyžada Antarktidanyň çäginden 1485 km geçdi. Ol günde 13-15 sagat aýak üstünde durmaly boldy, ukusy hem 5 sagatdan geçmeli däldi.

Sport habarlary

9. Türkmenistanyň Basketbol federasiýasynyň wise-prezidenti Waleriý Sitnikow geljek dört ýyl üçin Merkezi Aziýa Basketbol Assosiasiýasynyň baş sekretary wezipesine saýlandy. Saýlawlar Gazagystanyň paýtagtynda geçirildi, bu ýerde Merkezi Aziýanyň bäş ýurdunyň ähli Milli basketbol federasiýalarynyň wekilleriniň gatnaşmaklarynda sebitleýin kongres geçirilýär. Türkmenistandan bu çärä Türkmenistanyň Basketbol federasiýasynyň baş sekretary, FIBA Asia-nyň Ýerine ýetiriji komitetiniň agzasy Bahar Magtymowa hem gatnaşýar.

10. 2027-nji ýylda futbol boýunça Aziýanyň Kubogy Saud Arabystanynda geçiriler. Bu barada Manamada geçirilen Aziýa Futbol Konfederasiýasynyň Kongresinde resmi taýdan yglan edildi. Futbol boýunça Aziýanyň Kubogy dört ýyldan bir gezek geçirilýär. Onuň ilkinji çempionaty 1956-njy ýylda geçirilipdi. 2023-nji ýylda Aziýanyň Kubogyna Katar üçünji gezek eýelik etdi. Bu ýurduň milli ýygyndysy yklymyň häzirki çempionydyr. Şeýle-de bolsa, bu ýaryş Saud Arabystanynda hiç wagt geçirilmedi.