Girmek
«Turkish Airlines» noýabr aýynda Aşgabatdan Stambula dört sany ýörite uçar gatnawlaryny amala aşyrar. Bu barada «Atavatan-Turkmenistan» habar berdi.
«TK4913» reýsleri 2022-nji ýylyň 14-nji, 19-njy, 21-nji we 26-njy noýabrynda amala aşyrylar.
Uçarlar Aşgabatdan 18:45-de uçup, 20:55-de Stambul howa menziline gonar.
Ozal «Turkish Airlines» awiakompaniýasynyň Stambuldan (Türkiýe) Türkmenbaşy (Türkmenistan) şäherine we yzyna uçuş gatnawlaryna başlandygyny habar beripdik.
Stambul — Türkmenbaşy — Stambuldan ugur boýunça uçuşlar hepdede iki gezek çarşenbe we penşenbe günlerinde amala aşyrylýar.
«Turkish Airlines»-iň Stambul (Türkiýe) —Türkmenbaşy (Türkmenistan) — Stambul uçar gatnawlarynyň petekleriniň bahasy 400 dollardan başlaýar.
1933-nji ýylda döredilen «Turkish Airlines» häzirki wagtda 129 ýurtda 340 ugur boýunça gatnawlary amala aşyrýar. Onuň flotunda 388 uçar bar.