Girmek
Eýranyň «Fulad» futbol kluby ispaniýaly hüjümçi Ibaý Gomes bilen şertnama baglaşdy. Bu barada «Tehran Times» neşiri ýazýar.
32 ýaşly hüjümçi dokuz möwsümläp Ispaniýanyň «Atletik» klubynda (2010 ― 2016 we 2019 ― 2021) çykyş etdi. «Atletik» futbolçynyň topardan aýrylýandygyny 2021-nji ýylyň iýunynda habar beripdi. Taraplar özara ylalşyk esasynda şertnamany ýatyrdylar
Şeýle hem Gomes 2004 ― 2009-njy ýyllaryň aralygynda «Santuç», 2009 ― 2010-njy ýyllarda «Sestao Riwer», 2010 ― 2012-nji ýyllarda kärendesine «Atletik Bilbao» we 2016 ― 2019-njy ýyllarda «Alawes» toparlarynda çykyş etdi.
Ol karýerasyndaky ähli ýaryşlarda 282 duşuşyk geçirdi we şolarda 34 pökgini adyna ýazdyrdy.
«Fuladyň» AFK-nyň Çempionlar ligasynda «Ahalyň» bäsdeşidigini ýatladýarys.