Girmek
«Gerekli» onlaýn söwda meýdançasy müşderilere «Gerekli gün şertnamasy» atly täsin we girdejili aksiýa çäresine gatnaşmagy teklip edýär.
«Gerekli» onlaýn söwda meýdançasynyň her hepdäniň çarşenbe gününde geçirýän adaty arzanladyş çäresiniň – «Gerekli gün» aksiýasynyň müşderilere «gerekli.tm» web sahypasynda bar bolan käbir önümleri 50 göterime çenli arzan bahadan satyn almaga mümkinçilik döredýändigi biziň hemmämize aýandyr. «Gerekli gün şertnamasy» aksiýasy bolsa, müşderilere belli bir möhletde (30 minutdan 1 sagada çenli) 60 göterim arzanladyş bilen islendik önümi satyn almaga mümkinçilik berýär. Mysal üçin, şu günki geçirilýän adaty «Gerekli gün» aksiýasynda bäş sany «Xiaomi Band 4» modelli akylly sagat we bäş jübüt «Xiaomi Airdots 2» modelli gulaklyk (nauşnik) satuwa çykarylýar. Bu arzanlaşyk çäresine gatnaşmaga isleg bildiren müşderiler «Play Market» ýa-da «App Store» internet dükanlaryndan «Gerekli» ykjam goşundysyny öz smartfonlaryna göçürip almaly we aksiýanyň başlanjakdygy barada habar berýän «push» habarnamalaryny düzmeli.
«Gerekli gün şertnamasy» aksiýasy her çarşenbe güni «Gerekli gün» aksiýasy bilen ugurdaş we garaşsyz geçiriler.
«Gerekli gün şertnamasy» aksiýasynyň çäginde satylan önümleri «gerekli.tm» web sahypasynyň «Gerekli gün» kategoriýasyndan hem tapyp, satyn alyp bilersiňiz.
Şeýle-de okaň: