“Aşgabadyň iň gowy onlaýn dükany” bäsleşigine gatnaşýanlar kesgitlenildi

Mundan ozal habar berşimiz ýaly “Türkmenportal” 1-nji fewraldan başlap, 10 gün dowam etjek, “Aşgabadyň iň gowy onlaýn dükany” bäsleşigini yglan etdi.

Bäsleşigiň şertlerine laýyklykda, bäsleşige gatnaşmak isleýän dükanlar elektron anketa tabşyrmaly. Arzalar 30-njy ýanwardan 1-nji fewral aralygynda kabul edildi.

Iberilen arzalaryň esasynda “Aşgabadyň iň gowy onlaýn dükany” ugrundaky bäsleşikde bäsleşjek gatnaşyjylaryň sanawy döredildi.

Şeýlelikde, gatnaşyjylaryň sanawyna aşakdaky onlaýn dükanlar girýär:

Ýaryşa gatnaşýanlaryň, sargytlary kabul etmegiň wagty, gowşuryş wagty, harytlaryň suratdakysy bilen meňzeşligi, kart arkaly tölemek aýratynlygy ýaly synaglardan geçmelidigini ýatladýarys.

Iň köp utuk gazanan dükan ýeňiji bolar we baş baýragy ýagny, “Turkmenportal”-dan dükan barada giňişleýin syn wideosyny alar, “Iň gowy hyzmat / Eltip berme”, “Ýokary hilli önümler” we “Sahy satyjy” ýaly üç ugur boýunça iň gowy onlaýn dükanlar “Turkmenportal” tarapyndan dükanyň doly syn makalasy ýazylar.

Onlaýn dükanlaryň müşderileri hem, kiçi ýaryşa gatnaşyp bilerler. Ýagny, gatnaşýan dükanlar barada sosial ulgamlarda we Türkmenportal web sahypasynda bu bäsleşik barada islendik ýazgyda teswir ýazmak zerur, iň gowy teswir ýazan ildeşimiz bolsa gatnaşýan dükanlardan ýörite baýrak alar.

Afişa

Makalalar