Ýakynda Türkmenistanyň sportda gazananlarynyň üsti kümüş medal bilen ýetirildi. Ony Batyr Hojamuhammedow ýakynda Tailandyň paýtagty Bangkokda kadetleriň we ýetginjekleriň arasynda geçirilen Aziýa çempionatynda gazandy.
Ýaryşa 20-den gowrak ýurtdan 170 töweregi türgen gatnaşdy. B.Hojamuhammedow 90 kilograma çenli agram derejesinde ýetginjekler toparynda wise-çempion boldy. Türkmenistanyň sport we syýahatçylyk institutynyň talyby ilki mongoliýaly türgenden ynamly üstün çykyp, soňra bolsa ýarym finalda Özbegistanyň toparyndan bolan dzýudoçyny ýeňip hem-de finalda Täjigistanyň wekilinden çekeleşikli göreşde ýeňlip, üç tutluşyk geçirdi.
Bu ýaryşlar oňa gatnaşyjylar üçin şu aýyň ahyrky günlerinde kadetleriň we ýetginjekleriň arasynda Abu-Dabide (Birleşen Arap Emirlikleri) geçiriljek dzýudo boýunça dünýä çempionatyna taýýarlygyň möhüm tapgyryna öwrüldi. Biziň watandaşymyz dünýä çempionatynda öz ýurduna mynasyp wekilçilik etjekdigini aýdyň subut etdi.
