Dünýä çempionaty – 2018-iň saýlama ýaryşynda türkmen futbolçylarynyň ýakyn wagtdaky garşydaşy bolan Omanyň ýygyndysy ýoldaşlyk duşuşygynda Ýemeniň toparyny 1:0 hasabynda ýeňdi. Ýeňiş pökgüsini Mohsen Joharyň ýakyndan ýardam bermeginde 11-nji minutda Muhammed Al Maşari geçirdi. Bu barada Aziýanyň futbol konfederasiýasynyň resmi saýty habar berýär.
Munuň özi Omanyň futbolçylary üçin Dünýä çempionaty-2018-iň şu günki Türkmenistanyň ýygyndysyna garşy boljak saýlama duşuşygynyň öňündäki özboluşly taýýarlyk boldy. Bu duşuşyk “Sib” stadionynda Aşgabat wagty bilen 20.00-da başlanar.
Iki toparyň hem “D” saýlama toparçasynda çykyş edýändigini ýatladýarys. Bu toparçada şu gün ýene bir oýun — Eýran – Guam duşuşygy geçiriler.
“D” toparçasyndaky toparlaryň ýaryş tertibindäki ýagdaýy:
Toparlar O U D Ý pökgi O
1. Guam 2 2 0 0 3-1 6
2. Oman 1 1 0 0 3-1 3
3. Eýran 1 0 1 0 1-1 1
4. Türkmenistan 1 0 1 1 1-2 1
5. Hindistan 2 0 0 0 2-4 0