Türkmeniň alkogolsyz içgi öndürijisi «Yupekchi» Türkmenistanyň Senagatçylar we telekeçiler birleşmesiniň 18 ýyllygyna bagyşlanan sergä gatnaşýar. Bu çäre 17 – 19-njy mart aralygynda Türkmenistanyň Söwda-senagat edarasynda geçirilýär.

Kompaniýanyň sergi bölüminde myhmanlar «Yupekchi» kompaniýasynyň öndürýän dürli görnüşli önümleri bilen tanyşyp bilerler. Serginiň myhmanlaryna brendiň ähli alkogolsyz içgileri: gazly içgiler, sowuk çaýlar we miwe şireleri hödürlenilýär. Kompaniýa eýýäm halkyň söýgüsini gazanan önümleri bilen bir hatarda, brend önümçilik hataryny giňelden täze içgilerini hem görkezdi.

«Yupekchi» kompaniýasynyň ýakynda öndürýän görnüşleriniň hataryna goşan täze önümleri — «BOLD Blueberry» we «Bold Zero» myhmanlarda aýratyn gyzyklanma döretdi. Bu önümler eýýäm batyrgaý tagamlary halaýanlaryň we şekersiz içgileri saýlaýanlaryň ünsüni özüne çekýär.

TSTB-niň ýubileý sergisine gatnaşmak «Yupekchi» kompaniýasynyň içerki bazardaky ornuny pugtalandyrmaga ygrarlydygyny, şeýle hem sarp edijilere täze we isleg bildirilýän önümleri hödürlemäge taýýardygyny görkezýär.

Sergi 19-njy marta çenli dowam eder we ähli gatnaşmak isleýänler üçin  açyk bolar.