Türkmenistanyň Ýokary ligasynyň üç kluby gyşky transfer penjiresiniň dowamynda baş tälimçilerini çalyşdy. «Ahal» toparyna Eziz Annamuhammedow ýolbaşçy boldy, «Merwe» — Rahmanguly Baýlyýew, «Şagadama» bolsa Maksat Şamy­radow bellenildi. Galan bäş klub hereket edýän tälimçileri bilen şertnamalaryny uzaltdy. 4-nji aprelde Türkmenistanyň futbol boýunça 34-nji çempionatyna badalga berler.
Wladimir Baýramow «Arkadagda», Ýazguly Hoja­geldiýew «Altyn Asyrda», Amangylyç Goçumow «Köpetdagda», Tofik Şükürow «Aşgabatda», Aleksandr Klimenko bolsa «Nebitçide» işini dowam etdirerler.
Ýokary liganyň klublary üçin transfer penjiresi 1–28-nji fewral aralygynda açyk boldy. Bu döwürde toparlar diňe bir tälimçi düzümlerini täzelemek bilen çäklenmän, eýsem düzümlerini hem işjeň ýagdaýda güýçlendirdiler.