Belet platformasy Çempionlar ligasynyň, Ýewropa ligasynyň we UEFA-nyň Konferensiýalar ligasynyň 1/8 final duşuşyklaryny göni ýaýlymda görkezer. Ähli berlen sagatlar Aşgabat wagty bilen görkezilýär.

Çempionlar ligasynda 17-nji martda sagat 22:45-de «Sporting» — «Budýo/Glimt» klublarynyň duşuşygy geçiriler. 18-nji martda sagat 01:00-da bir wagtda üç duşuşyk bolar: «Mançester Siti» — «Real Madrid», «Çelsi» — «PSŽ» we «Arsenal» — «Baýer». Şol gün sagat 22:45-de «Barselona» bilen «Nýukasl» duşuşar. 19-njy martda sagat 01:00-da tapgyr «Liwerpul» — «Galatasaraý», «Tottenhem Hotspur» — «Atletiko Madrid» we «Bawariýa» — «Atalanta» klublarynyň arasyndaky duşuşyklar bilen tamamlanar.

Ýewropa ligasynda 18-nji martda sagat 20:30-da «Braga» — «Ferenswaroş» klublarynyň arasyndaky duşuşyk görkeziler. 19-njy martda sagat 22:45-de «Lion» — «Selta», «Midtýullann» — «Nottingem Forest» we «Fraýburg» — «Genk» klublarynyň arasyndaky oýunlar geçiriler. 20-nji martda sagat 01:00-da «Roma» — «Bolonýa», «Aston Villa» — «Lill», «Porto» — «Ştutgart» we «Betis» — «Panatinaikos» klublarynyň duşuşyklary bilen tapgyr tamamlanar.

Konferensiýalar ligasynda 19-njy martda sagat 22:45-de «AEK Larnaka» — «Kristal Pelas» hem-de «Rakuw» — «Fiorentina» klublarynyň duşuşyklary bolar. 20-nji martda sagat 22:45-de «Sparta Praga» — «AZ Alkmaar» klublarynyň duşuşygy geçiriler.

Ähli ýaýlymlar Belet platformasynda «Premium» abunasy arkaly elýeterlidir. Abunanyň hasabynyň balansyny doldurmak şol sanda Turkmenportal saýtynyň üsti bilen hem amala aşyrylyp bilner.