Hindistanyň Odişa ştatynyň Kattak şäherindäki hassahananyň gyssagly bejergi bölüminde dörän ýangynda azyndan 10 adam heläk boldy. Bu barada «The Times of India» gazetine salgylanýan «Belta.by» portaly habar berdi.

Ştatyň başlygy Mohan Çaran Maji ýangyna elektrik geçirijilerdäki näsazlygyň sebäp bolandygy barada deslapky çaklamany paýlaşdy. Ýangynda hassahananyň 11 işgäriniň hem ejir çekendigi habar berilýär.

Ştatyň ýolbaşçysy wakanyň derňew işleriniň geçiriljekdigini we günäkärlere berk temmi beriljekdigini nygtady.