Indi «Aşgabat» köpugurly stadionynyň sport hyzmatlaryny öýden çykman sargyt edip hem-de tölegini töläp bolýar. Degişli hyzmat e.gov.tm elektron hyzmatlar portalynda işe girizildi we Aşgabat şäheriniň ýaşaýjylary üçin elýeterlidir.
Portal arkaly şulary kärendesine alyp bolýar:

• futbol meýdançalary;

• ýapyk basketbol we woleýbol meýdançalary;

• tennis kortlary;

• başa-baş göreş sungaty boýunça zallar (dzýudo, göreş);

• agyr atletika bilen meşgullanmak üçin otaglar;

• ýeňil atletika üçin ylgaw ýodalary;

• boks üçin ýöriteleşdirilen zallar;

• ýüzmek üçin howuz.

Hyzmatdan peýdalanmak üçin e.gov.tm portalyna girip, «Sport we medeniýet» bölümine geçmeli — diýip, «Türkmentelekom» habar berýär.
Bu girizilen täzelik aşgabatlylar üçin sport bilen meşgullanmagy has-da elýeterli eder.