Hindistanyň Türkmenistandaky ilçisi Bandaru Wilsonbabu 2026-njy ýylyň 20–21-nji fewralynda Mary şäherine we Mary welaýatyna resmi sapar etdi.

Saparyň dowamynda diplomat Mary welaýatynyň häkimi Döwranberdi Annaberdiýew we Mary şäheriniň häkimi Artyk Bäşimow bilen duşuşyk geçirdi. Gepleşiklerde Hindistan bilen Türkmenistanyň sebitiniň arasyndaky söwda-ykdysady hyzmatdaşlygyň mümkinçilikleri ara alnyp maslahatlaşyldy.

Ilçi welaýat häkiminiň orunbasary Çemen Akyýewa bilen bilelikde Mary şäherinde «Hindi kino festiwalyna» badalga berdi. Festiwalyň çäklerinde 20–24-nji fewral aralygynda «Belent» söwda merkezinde dürli žanrlardan we döwürlerden sekiz hindi filmi mugt görkezildi.

Mundan başga-da, ilçi we welaýat häkiminiň orunbasary Mary welaýaty bilen Hindistanyň bäş ştaty — Andra-Pradeş, Gudjarat, Madhýa-Pradeş, Maharaştra we Rajastan bilen söwda-ykdysady gatnaşyklary ösdürmek boýunça ýörite çärä gatnaşdylar. 21-nji fewralda ilçi welaýatyň Bedenterbiýe we sport komitetiniň ýolbaşçysy Döwran Myradow bilen bilelikde ýörite ýoga sapagyna gatnaşdy.

Hindistanyň ilçihanasynda bellenip geçilişi ýaly, bu sapar Hindistanyň Türkmenistana bolan uzakmöhletli dostlukly gatnaşyklaryna hemişe ýokary ähmiýet berýändigini görkezýär. Şeýle hem ýurduň türkmen tarapynyň ileri tutýan ugurlaryna laýyklykda ösüş babatynda tejribesini paýlaşmaga taýýardygyny nygtadylar.