Ýaramaz howa ssenarisi emele gelen ýagdaýynda Antarktika ýarymadasyndaky deňiz buzlugy 2100-nji ýyla çenli takmynan 20 göterim azalyp biler we dünýä ummanynyň derejesiniň çalt ýokarlanmagyna getirer. Bu barada alymlaryň halkara toparyna salgylanýan «Daily Mail» neşiri habar berdi.

Alymlaryň hasaplamalaryna görä, Günorta ummanyň tiz maýlamagy buzluklaryň we şelf buzluklaryň ýumrulmagyny çaltlandyrar, buzlugyň ýitmegi bolsa, ummanyň suwuny garaldar we ony has kän ýylylygy ýuwutmaga ukyply eder. Bu ählumumy maýlamany güýçlendirer we planetanyň dürli sebitlerinde adatdan daşary howa hadysalarynyň töwekgelçiligini ýokarlandyrar.

Hatda Antarktida ýarymadasynyň özi-de, hünärmenleriň hasaplamalaryna görä, asyryň ahyryna çenli deňiz derejesiniň 22 mm ýokarlanmagyna goşant goşup biler. Alymlar munuň ýarymadanyň ekoulgamlaryna zeper ýetirjekdigini belleýärler. Bu bolsa, ol ýerde ýaşaýan haýwanlaryň köpelmegine zyýan eder. Alymlar häzir dünýäniň orta ýa-da orta-ýokary parnik gazlarynyň zyňyndylary ssenarisi boýunça hereket edýändigini belleýärler. Olaryň pikiriçe, zyňyndylaryň peseldilmegi ýaramaz netijeleri görnetin ýumşadyp biler diýip, «Belta.by» portaly ýazýar.