Türkmenistanda ýöriteleşdirilen orta hünär okuw mekdepleriniň okuwçylarynyň arasynda sanly ykdysadyýet boýunça olimpiada Aşgabadyň maliýe-ykdysady orta hünär okuw mekdebinde geçirildi.

«Türkmenistan: Altyn asyr» neşiriniň habar bermegine görä, bäsleşigiň netijesinde 15 gatnaşyjy baýrakly orunlara mynasyp boldy.

Bäsleşigiň I ornuny Aşgabadyň maliýe-ykdysady orta hünär okuw mekdebiniň talyby Söýli Mürrikowa, Lebap welaýatynyň maliýe-ykdysady orta hünär okuw mekdebiniň talyby Mähri Haşymowa, Mary welaýatynyň maliýe-ykdysady orta hünär okuw mekdebiniň talyby Bägül Mämmeýewa dagy eýeledi.

Bäsleşigiň II ornuna bäş talyp mynasyp boldy: Aýjeren Meretgulyýewa, Läle Ýazlyýewa (Mary welaýatynyň maliýe-ykdysady orta hünär okuw mekdebi), Aýgül Kelowa (Aşgabadyň maliýe-ykdysady orta hünär okuw mekdebi), Göwher Gurbanowa, Zyba Gurbanowa (Balkan welaýatynyň maliýe-ykdysady orta hünär okuw mekdebi).

Bäsleşigiň III ornuna ýedi talyp mynasyp boldy: Ogulnabat Berdiýewa, Gözel Hallyýewa, Orazjahan Myradowa (Türkmenistanyň Söwda we daşary ykdysady aragatnaşyklar ministrliginiň Söwda-kooperatiw mekdebi), Sewinç Hoşwagto­wa (Lebap welaýatynyň maliýe-ykdysady orta hünär okuw mekdebi), Nowçagül Aşyrowa (Balkan welaýatynyň maliýe-ykdysady orta hünär okuw mekdebi), Aýna Gurbangulyýewa (Aşgabadyň maliýe-ykdysady orta hünär okuw mekdebi), Aýlar Aşyrmämmedowa (Daşoguz welaýatynyň maliýe-ykdysady orta hünär okuw mekdebi).

Ýeňijiler degişli derejeli diplomlar hem-de olimpiadanyň guramaçylary tarapyndan ýadygärlik sowgatlary bilen sylaglandylar. Talyplary olimpiada ýokary derejede taýýarlanandyklary üçin ýurdumyzyň orta hünär okuw mekdepleriniň mugallymlaryna minnetdarlyk hatlary gowşuryldy.