Turkmenportal tarapyndan alnan soňky maglumatlara görä, Saud Arabystanynyň «Al-Nasr» kluby AFK-2 Çempionlar ligasynyň 1/8 finalynda «Arkadag» toparyna garşy geçiriljek duşuşyk üçin braziliýaly hüjümçi Anželo Gabrieliň adyny oýunçylarynyň sanawyna girizdi. Ýaş hüjümçi öňde boljak duşuşykda toparyň başlangyç düzüminde meýdança çykyp biler.

«Arkadag» bilen «Al-Nasryň» arasyndaky duşuşyk şu gün ýerli wagt bilen sagat 18:45-de paýtagtymyzyň 45 müň tomaşaça niýetlenen Olimpiýa stadionynda geçiriler.

Duşuşyk AFK-2 Çempionlar ligasynyň 1/8 finalynyň pleý-off tapgyrynyň çäklerinde geçiriler.

Anželo Gabrieliň «Al-Nasr» klubynyň legionerler düzümine goşulmagy möhüm duşuşygyň öňüsyrasynda bu toparyň hüjüm edijilik kuwwatyny has-da güýçlendirýär. Braziliýaly hüjümçi duşuşygyň ilkinji minutlaryndan başlap özüni görkezmäge mümkinçilik alyp biler.

Belläp geçsek, braziliýaly futbolçy «Al-Nasr» kluby üçin soňky oýnunda 90+7-nji minutda «Al-Ittihad» toparynyň derwezesine örän möhüm goly geçiripdi.