Türkmen telekeçileri dünýäniň dürli ýurtlaryndan hyzmatlary üpjün edijiler we haryt öndürijiler bilen dürli döwletlerden bolan alyjylary baglanyşdyrýan innowasion B2B-platforma — Asia Trend Marketi bilen tanyşdyrdylar. Bu hyzmat zerur önümleri tapmak üçin ygtybarly gural bolmak bilen bir hatarda, sanly ykdysadyýetiň şertlerinde kompaniýalaryň bäsdeşlige ukyplylygyny ýokarlandyrmagy maksat edinýär.

Taslamanyň esasy aýratynlygy — her bir kärhana üçin administratiw panel arkaly dolandyrylýan, doly derejeli web-saýtlar hökmünde işleýän şahsy sahypalaryň döredilmegidir. Bu çözgüt işewürlere platformanyň mümkinçiliklerinden peýdalanyp, öz internet serişdelerini döretmek we goldamak bilen bagly uly çykdajylardan gaça durmaga mümkinçilik berýär.

Asia Trend Market öz öňünde uly maksady goýýar — bu Aziýa sebitiniň söwda mümkinçiliklerini ählumumy bazarda açmakdyr. Platforma hasaba alnan kompaniýalaryň öňdebaryjy sosial ulgamlarda öňe sürülmegini üpjün edýär hem-de islendik möçberdäki kärhanalara halkara derejede özüni tanatmaga mümkinçilik berýär.

Kompaniýanyň ofisi şu salgyda ýerleşýär: Aşgabat şäheri, Arçabil şaýoly, jaý 29. Habarlaşmak üçin telefon belgileri: +993 71 690907, +993 12 488312, elektron poçtasy: info@asiatrendmarket.com. Şeýle hem kompaniýa sosial ulgamlarda öz sahypalary arkaly elýeterlidir.