«Maksatly Türkmen» hojalyk jemgyýeti Türkmenistanda hususy öýler, kottejler hem-de täjirçilik desgalary üçin häzirki zaman gurluşyk konstruksiýalaryny öndürmek we gurnamak boýunça öňdebaryjy kärhanalaryň biridir. Kärhana müşderiler üçin iň ýokary rahatlygy we işleýiş amatlylygyny üpjün etmäge gönükdirilen çözgütleriň giň görnüşini — penjirelerden we gapylardan başlap, awtomatlaşdyrylan aýna ulgamlaryna hem-de daşy aýnalanan bassyrmalara çenli hödürleýär.

«Maksatly Türkmen» kompaniýasynyň innowasion önümleriniň arasynda aýratyn orun tutýan çözgütleriň biri hem awtomatlaşdyrylan gilýotin ulgamlarydyr. Bu häzirki zaman konstruksiýalary eýwan, bassyrma, balkon we beýleki binagärlik düzüm böleklerini aýnalamak üçin niýetlenendir. Ulgamlar ýokary tehnologiýany, ulanmakdaky amatlylygy we estetiki dizaýny özünde jemleýär.

Gilýotin ulgamlary näme?

Gilýotin ulgamlary awtomatiki hereketlendirijiniň kömegi bilen ýokaryk-aşak hereket edýän dik süýşýän aýna panelleridir. Nusgawy açylýan ýa-da gapdala süýşýän gurluşlardan tapawutlylykda, gilýotin ulgamlary giňişligi tygşytlaýar, panoramaly görnüşi üpjün edýär hem-de otaga howanyň we ýagtylygyň girmegini dolandyrmaga mümkinçilik berýär.

Esasy wezipeleri

Awtomatlaşdyrylan dolandyryş
Ulgam elektrik hereketlendiriji bilen üpjün edilip, aýna panelleri uzakdan dolandyryş pulty ýa-da gurnalan dolandyryş paneli arkaly açyp-ýapmaga mümkinçilik berýär. Bu ulanyjy üçin amatly we tiz işlemegi üpjün edýär.

Dik açylma we ýapylma
Aýna ganatlar dik ugurda ýokary galdyrylýar we aşak düşürilýär. Bu giňişligi tygşytlaýar hem-de konstruksiýa arassa, estetiki görnüş berýär. Şeýle çözgüt esasan-da ýeri çäkli bolan eýwan hem-de bassyrmalar üçin örän amatlydyr.

Energiýa tygşytlylygy we izolýasiýa
Häzirki zaman gilýotin ulgamlarynda ýokary hilli berkleşdirilen ýa-da köp gatly aýna ulanylýar. Bu ýylylyk we ses izolýasiýasyny üpjün edip, ýelden, ýagyşdan we beýleki howa täsirlerinden goragy güýçlendirýär.

Köp derejeli ýagdaýy sazlamak mümkinçiligi
Panelleri islendik beýiklikde saklap bolýar, bu bolsa howa şertlerine ýa-da ulanyjynyň islegine görä açylyş derejesini sazlamaga mümkinçilik berýär.

Estetika we panoramaly görnüş
Çarçuwalaryň inçe profilleri we ýokary durulykly aýnalar goşmaça päsgelçiliksiz giň görnüş döredýär. Şonuň üçin bu ulgamlary aýnaly fasadlar, gyşky baglar we dynç alyş zolaklary üçin iň amatly çözgüt diýip hasaplamak bolýar.

Ygtybarlylyk we uzak möhletli hyzmat
Awtomatlaşdyrylan gilýotin ulgamlary berk materiallardan — alýumin profillerden we güýçlendirilen berk aýnadan taýýarlanyp, dürli howa şertlerinde uzak ýyllaryň dowamynda ygtybarly ulanmaga niýetlenendir.

Gilýotin ulgamlary nirelerde ulanylýar?

Bu ulgamlar köpugurly bolup, dürli görnüşli desgalar üçin laýykdyr:
• hususy öýleriň eýwanynda we bassyrmalarynda;
• kafe we restoranlaryň dynç alyş zolaklarynda;
• gyşky baglarda we panoramaly meýdançalarda;
• balkonlarda we lodžiýalarda;
• panoramaly aýnalary bolan täjirçilik jaýlarynda.

«Maksatly Türkmen» tarapyndan hödürlenýän awtomatlaşdyrylan gilýotin ulgamlary ýaşaýyş we täjirçilik giňişliklerini aýnalamak üçin döwrebap we ýokary tehnologiýaly çözgütdir. Olar awtomatiki dolandyryşyň amatlylygyny, energiýa tygşytlylygyny, estetiki görnüşi we uzak möhletli hyzmaty üpjün edip, binagärlik taýdan ýokary derejäni özünde jemleýär.

Habarlaşmak üçin maglumatlar:

• Salgy: G. Kulyýew köçesi, 28-nji bina
• Telefonlar: 75 41 11, 75 42 22, 59 53 53, 59 53 33
• Web-saýt: turkmenglass.com
• Sosial ulgamdaky sahypasy