Şu ýyl işläp başlanynyň 10 ýyllygyny belleýän Ak Bulut türkmen kompaniýasy innowasion öz öndürýän Boardline fasad panellerini Gruziýanyň bazaryna iberip başlandygyny mälim etdi. Bu ädim durnukly gurluşyk boýunça ählumumy meýlini nygtamak bilen, eksportyň geografik gerimini giňeldýär hem-de Kawkaz sebitinde tebigy serişdeleri öňdebaryjy tehnologiýalar bilen utgaşdyrýan ekologiki we howpsuz bina bezeginiň täze standartlaryny ornaşdyrýar.

Arassa tebigy gipsden taýýarlanan Boardline panelleri «dem alýan» bu materialy täzeden meşhur edýär. Ol zyýanly maddalary bölüp çykarmazdan, jaýlaryň içindäki çyglylygy kadalaşdyrýar. Ak Bulut kompaniýasynyň önümçilik bölüminiň wekilleriniň bellemegine görä, 2026-njy ýylda tebigat bilen sazlaşýan fasadlara aýratyn ähmiýet berilýär: «Biz estetika bilen howpsuzlygyň daşky gurşawa zyýan ýetirmezden bilelikde hereket edip bilýändigini subut edýäris».

Uly gurluşyk taslamalary işjeň ösýän Gruziýa üçin oda çydamlylyk we çygdan gorag esasy talaplaryň biridir. Türkmenistanyň Ylymlar akademiýasynyň Halkara ylmy-tehnologiki parky tarapyndan berlen şahadatnama Boardline panelleriniň ýangyn howpsuzlygy boýunça A1 synpyna laýyk gelýändigini tassyklaýar — bu bolsa olaryň doly ýanmaýan materialdygyny, beýik binalar hem-de jemgyýetçilik desgalary üçin örän amatlydygyny aňladýar. E1 ekologiki synpy zyýanly maddalaryň ýokdugyny kepillendirýär, mämişi reňkli süýümi bolan aýna bilen berkitmesi bolsa suwy yzyna gaýtarýar we subtropiki howada kömelekleriň emele gelmeginiň öňüni alýar.

Gurluşykçylar panelleriň amaly tarapyna-da ýokary baha berýärler: ýeňil gurluşy binanyň daýanç konstruk­siýalaryna düşýän agramy azaldyp, seýsmiki durnuklylygy ýokarlandyrýar. Takyk geometriýasy gurnama işlerini 1,5–2 esse çaltlaşdyrýar. Tekiz ýüzüniň bolmagy bolsa ahyrky bezeg işlerini aňsatlaşdyryp, wagt we serişdeleri tygşytlamaga mümkinçilik berýär.

Bu eksport — Ak Bulut kompaniýasynyň on ýylyň dowamynda gazanan innowasion ösüşiniň netijesidir. Häzirki wagtda türkmen inženerçilik çözgütleri dünýä liderleri bilen bäsleşýär. Boardline gurluşygyň berk geljegine we ýaşyl ösüşine goýlan maýa goýumyň nyşanyna öwrülýär.

Habarlaşmak üçin telefonlar:
(+993 12) 75 42 43 / 75 42 44
(+993 62) 24 00 44, (+993 62) 24 00 55, (+993 62) 14 00 44

Baş edarasy we sergi jaýy:
Aşgabat ş., G. Kulyýew köçesi, jaý 29/1, 3-nji gat

Önümçilik merkezleri:
– Asma potoloklar we profil ulgamlaryny öndürýän «Ak Bulut» zawody we ammary — Ahal welaýaty, Ak bugdaý etraby;
– Gipsokarton, BOARDLINE panellerini we gury gurluşyk garyndylaryny öndürýän «Ak Bulut» zawody we ammary — Lebap welaýaty, Dostluk şäheriniň etegi.