Girmek
«Türkmennebit» döwlet konserniniň Baş müdirligine degişli bolan «Türkmennebitönümleri» ýaşaýyş-jemagat hojalygy kärhanasy öz işgärleriniň çagalary üçin Täze ýyl baýramçylygyny — Täze ýyl arçasynyň ýanynda ertekili dabara geçirdi.
Çäre «Ýyldyz» medeni-dynç alyş merkezinde geçirildi – diýip, ussatnews.com habar berýär. Çagalaryň öňünde A. S. Puşkin adyndaky Döwlet rus drama teatrynyň artistleri we Türkmenistanyň döwlet sirkiniň gözbagçysy gyzykly sahna oýunlary bilen çykyş etdiler.
Çagalar Aýaz baba hem-de Garpamyk bilen bilelikde baýramçylyk arçasynyň daşyndan aýlanyp, tans etdiler we dürli oýunlara gatnaşdylar.
Baýramçylyk şatlygynyň ahyrynda kärhananyň kärdeşler arkalaşygynyň geňeşi çagalar we olaryň ene-atalary üçin datly süýjülikleri hödürledi.
Her bir kiçijik gatnaşyjy Täze ýyl sowgadyna mynasyp boldy – diýip, çeşmede bellenýär.