«Sanly Çözgüt-IT meýdança» hojalyk jemgyýetinde Türkmenistanyň Bilim ministrliginiň guramagynda Bilim ulgamynda innowasion tehnologiýalarynyň festiwaly geçirildi. Bu barada ministrligiň resmi saýtynda habar berildi.

Festiwalyň çäginde ýurduň bilim ulgamynyň, «Türkmenistanyň ykdysatçylar birleşmesiniň», işewürlik kärhanalaryň wekilleriniň gatnaşmagynda «Maglumat tehnologiýalar ulgamynda gelejegiň kompetensiýalary we hünär derejeleri» atly tegelek stoly, mugallymçylyk ugurly orta hünär okuw mekdepleriniň hem-de umumybilim berýän orta mekdepleriniň mugallymlary üçin STEM usulyýeti we bilim bermek işlerinde innowasion tehnologiýalary ulanmak boýunça tälim sapaklary geçirildi.

Şeýle hem ýurduň bilim edaralarynyň mugallymlarynyň we talyplarynyň gatnaşmagynda kiberhowpsuzlyk ugry boýunça türgenleşikler hem-de sanly tehnologiýalar we kiberhowpsuzlyk bilen bagly taslamalarynyň sergisi guraldy.

Şeýle hem, festiwalyň çäginde Türkmenistanyň bilim ulgamynda sanly bilimi ösdürmekde goşan goşantlary üçin bilim edaralarynyň wekilleri hem-de Türkmenistanda maglumat howpsuzlygy boýunça «Kiberbäsleşik» çäresiniň ýeňijileri Türkmenistanyň Bilim ministrliginiň Hormat haty we sowgatlar bilen sylaglanyldy:

• Ataýew Jumamuhammet — Türkmenistanyň Bilim ministrliginiň Sanly ulgam we maglumat howpsuzlygy bölüminiň baş hünärmeni;

• Wepaýew Şirmuhammet — Türkmenistanyň Bilim ministrliginiň Sanly ulgam we maglumat howpsuzlygy bölüminiň baş hünärmeni;

• Çüriýew Maksat — Ýagşygeldi Kakaýew adyndaky Halkara nebit we gaz uniwersitetiniň Kiberhowpsuzlyk kafedrasynyň müdiri;

• Kowsyýew Wepa — Türkmenistanyň Inžener-tehniki we ulag kommunikasiýalary institutynyň Maglumatlar we okatmagyň tehniki serişdeleri bölüminiň başlygy;

• Dönmezow Ruslan — Seýitnazar Seýdi adyndaky Türkmen döwlet mugallymçylyk institutynyň Sanly tehnologiýalar we maglumat howpsuzlygy bölüminiň müdiri;

• Orazow Berdimyrat — Türkmen döwlet ykdysadyýet we dolandyryş institutynyň Sanly ykdysadyýet kafedrasynyň müdiri;

• Arlanowa Aýgözel — Türkmen döwlet ykdysadyýet we dolandyryş institutynyň Sanly ykdysadyýet kafedrasynyň uly mugallymy;

• Kertikow Ilmyrat — Türkmenistanyň Inžener-tehniki we ulag kommunikasiýalary institutynyň Logistika kafedrasynyň mugallymy;

• Atamyradow Azat — Türkmenistanyň Döwlet energetika institutynyň Maglumatlar we okatmak üçin tehniki serişdeler bölüminiň başlygy;

• Bazarow Azizsalam — Türkmenistanyň Döwlet çeperçilik akademiýasynyň sanly tehnologiýalar we maglumat howpsuzlygy bölüminiň başlygy;

• Geldiýew Serdar — Ýagşygeldi Kakaýew adyndaky Halkara nebit we gaz uniwersitetiniň Kiberhowpsuzlyk kafedrasynyň mugallymy;

• Amanweliýewa Miwe — Maglumatlar tehnologiýalarynyň Türkmen-hindi merkeziniň okuw bölüminiň başlygy;

• Ýoldaşbaýewa Güljahan — Maglumatlar tehnologiýalarynyň Türkmen-hindi merkeziniň hojalyk bölüminiň başlygy;

• Adylow Sünnet — Lebap welaýat Baş bilim müdirliginiň Umumy orta bilim bölüminiň baş hünärmeni;

• Saparowa Merjen — Daşoguz şäheriniň daşary ýurt dillerine ýöriteleşdirilen 25-nji orta mekdebiniň başlangyç synp mugallymy;

• Haýytmuhammedow Yslam — Ýagşygeldi Kakaýew adyndaky Halkara nebit we gaz uniwersitetiniň talyby.