28-nji dekabrda Aşgabadyň Gyşky sport görnüşleri boýunça Sport toplumynyň sahnasynda Russiýanyň rep ýerine ýetirijisi MOT (Matweý Melnikow) çykyş eder. Ol häzirki zaman Russiýanyň hip-hop sahnasynyň iň tanalýan ýerine ýetirijileriniň biridir.

Sungat ýolunda edilen ilkinji ädimler

Matweý Melnikow 1990-njy ýylyň 2-nji martynda Krasnodar ülkesiniň Krymsk atly uly bolmadyk şäherinde dogulýar. Çagalyk döwründe geljekki artist tans bilen gyzyklanyp, Krasnodardaky meşhur «Todes» studiýasynyň şahamçasynda sapaklara gatnaşýar. 15 ýaşynda Moskwa göçüp gelýär we okuwy bilen bir wagtda hip-hop sungatynda özüni synap başlaýar.

Ol özüniň ilkinji uly üstünligini 2009-njy ýylda gazanýar. 19 ýaşly Matweý «Respekt ugrunda bäsleşik» atly ýaryşa gatnaşyp, 2000 dalaşgärden ilkinji kyrklyga girmegi başarýar. Şol döwürde rep ýerine ýetirijisi Ligalaýzyň maslahat bermegi bilen, ol çylşyrymly sahna adyny gysga we ýatda galýan lakama — MOT lakamyna çalyşýar.

Sungat ýolundaky üstünlikleri

MOT 2011-nji ýylda “Remote” ady bilen ilkinji albomyny çykarýar, bir ýyldan soň bolsa onuň “Remont” atly ikinji albomy peýda bolýar. 2013-nji ýyl onuň sungat ýolunda öwrülişik bolup, ol “Black Star Inc.“ kompaniýasyna goşulýar we 2022-nji ýylyň ýanwaryna çenli şol ýerde işleýär.

Black Star kompaniýasynda bolan döwründe MOT öz esasy hitlerini ýazýar. 2014-nji ýylda «Mama, ýa w Dubaýe» («Eje, men Dubaýda») atly kompozisiýasy we «VIA Gra» topary bilen bilelikde ýerine ýetirilen «Kislorod» peýda bolýar. Soňra Ani Lorak bilen «Soprano», Olga Buzowa bilen «Kapkan» («Gapan»), «Den i noç» (Gündiz we gije), Býanka bilen «Absolýutno wsýo» («Tutuş ähli zat») ýaly meşhur aýdymlary çykýar.

2016-njy ýylda «Naiznanku» albomy, 2017-nji ýylda bolsa «92 gün» we «Dobraýa muzyka klawiş» albomlary çykýar. Şol döwürde MOT Russiýanyň öňdebaryjy artistleri — Jah Khalib, Artýom Piwowarow, Timati, Ýegor Krid bilen işjeň hyzmatdaşlyk edýär.

Sungatdaky özbaşdak ýoly

2022-nji ýylyň ýanwarynda artistiň Black Star bilen şertnamasy tamamlanýar we ol öz sungatdaky ýoluny özbaşdak dowam etdirmek kararyna gelýär. 2024-nji ýylyň awgustynda MOT «Awgust hemişelik» ady bilen özüniň sekizinji studiýa albomyny diňleýjilere hödürleýär.

Döredijilik ýyllarynyň dowamynda ýerine ýetiriji «Muz-TV» baýraklaryndan «Ýylyň açyşy» we «Iň gowy duet» baýraklaryna hem eýe bolýar. Onuň konsertleri hemişe ýurduň dürli ýerlerinde doly zallary ýygnaýar.

MOT liriki kompozisiýalary bilen tanalýar, ol olary köplenç öz maşgalasyna bagyşlaýar. 2016-njy ýyldan bäri artist Mariýa Gural bilen nikada, olaryň Solomon atly ogly bar.

MOT-yň Aşgabatdaky konserti 28-nji dekabrda sagat 18:00-da geçiriler. Biletleri Gyşky sport görnüşleri boýunça Sport toplumynyň kassalaryndan satyn alyp bilersiňiz.