Girmek
Futbol birleşikleriniň halkara federasiýasy (FIFA) 2026-njy ýylda ABŞ‑da, Kanadada we Meksikada geçiriljek dünýä çempionaty üçin rekord derejede baýrak gaznasyny tassyklady. ESPN neşiriniň habar bermegine görä, ýaryşyň ýeňijisi 50 million dollara mynasyp bolar.
Dünýä çempionatynyň umumy baýrak gaznasy 655 million dollara deň bolar. Toparçalaýyn tapgyrda çykyşyny tamamlan ýygyndylara 9 million dollardan berler, ýaryşyň finalyna çykan ýygyndylar bolsa 33 million dollara çenli baýrak alarlar.
Deňeşdirmek üçin: 2022-nji ýylda Katarda geçirilen dünýä çempionatynyň ýeňijisi — Argentinanyň milli ýygyndysy — 42 million dollara mynasyp boldy. 2018-nji ýylda Russiýada geçirilen dünýä çempionatynyň ýeňijisi Fransiýanyň ýygyndysy bolsa 38 million dollar baýrak gazandy.