Girmek
Türkmenistanyň hemişelik Bitaraplygynyň 30 ýyllygyna bagyşlanan Halkara foruma gatnaşmak üçin Özbegistan Respublikasynyň Prezidenti Şawkat Mirziýoýew Aşgabada geldi. Bu barada Halkara habarlar merkezi habar berýär.
Bellenilişi ýaly, Özbegistanyň Baştutany dürli ýurtlaryň we halkara guramalaryň wekillerini birleşdirjek forumyň işine gatnaşar. Bu çäre parahatçylyk, howpsuzlyk we durnukly ösüş meselelerini ara alyp maslahatlaşmak üçin möhüm halkara meýdança bolar.
Şawkat Mirziýoýewiň Aşgabada sapary türkmen-özbek strategik hyzmatdaşlygynyň ýokary depginini alamatlandyrar we taraplaryň syýasy, söwda-ykdysady, medeni-ynsanperwer hyzmatdaşlygyny täze derejä çykarar.