Girmek
Eswatini Patyşalygynyň Premýer-ministri Rassel Mmemo Dlamini 11-nji dekabrda Halkara parahatçylyk we ynanyşmak ýylyna, Halkara Bitaraplyk gününe we Türkmenistanyň hemişelik Bitaraplygynyň 30 ýyllygyna bagyşlanan halkara foruma gatnaşmak maksady bilen Aşgabada geldi. Bu barada Aşgabat Halkara howa menziliniň resmi saýtynda habar berildi.
Aşgabat şäheriniň Halkara howa menzilinde Eswatininiň Hökümetiniň Baştutany Türkmenistanyň resmi wekilleri tarapyndan mähirli garşylandy.
Eswatini Patyşalygynyň Premýer-ministriniň gatnaşmagy-da Aşgabat forumynyň dünýäde parahatçylygy, abadançylygy, durnukly ösüşi ilerletmekde ählumumy platforma hökmünde möhüm ähmiýete eýe bolýandygyny görkezýär.